Palma: Niaging tuig angay sab pasalamatan

CEBU, Philippines — Pagsugat sa Bag-ong Tuig angayan balikan sa paglantaw ang nilabay nga tuig agi og pagpasalamat.

Kini ang pamahayag ni Cebu Archbishop Jose Palma nga nahinabi sa Banat News.

Matud pa sa Arsobispo nga ang Bag-ong Tuig higayon kini aron sa paglingi sa nilabay nga tuig ug pagpasalamat usab sa kaayo sa Ginoo nga gihatag.

Sumala pa ni Palma nga importante gihapon ang pagpaabot sa Bag-ong Tuig diha sa espiritu sa paglaum ug pagsalig nga bisan sa mga bagyo ug linog dili angay mahadlok.

Dugang pa sa Arsobispo nga tanang mga hagit ug pagsuway sa kinabuhi malagpasan ra gihapon ang maong panghitabo hinungdan nga kinahanglang magmadasigon lang gyud kanunay ang katawhan.

Ang Arsobispo nisaulog sa iyang misa sa pagsugat sa Bag-ong Tuig sulod sa Cebu Metropolitan Cathedral alas 9 kagabii. /GMR (BANATNEWS)