Job Orders sa City Hall dunay bonus
CEBU, Philippines — Lakip ang mga job order nga kawani sa Cebu City Hall sa makadawat sa Christmas bonus kauban ang uban mga empleyado.
Matud ni City Legal Officer, Atty. Rey Gealon, nga kini base sa direktiba ni Mayor Edgardo Labella.
Ang City Legal Office ang nirekomendar niini subay sa civil service rules and regulations.
Ang CLO nipagawas sa ilang opinyon human ang konseho sa siyudad niaprobar nga tanang regular nga trabahante makadawat og P20 mil samtang ang JO ibase sa ilang pro-rated scheme.
Si Labella sa sayo pa lang nipahibawo na daan nga nigahin ang kagamhanan og pundo alang sa 13th ug 14th month pay sa mga regular nga empleyado base sa City Programs on Awards and Incentives for Service Excellence (PRAISE) ubos sa savings sa budget sa 2019.
Dugang ni Gealon nga ang JOs nga kwalipikado sa bonus kadtong nakatrabaho kutob sa Nobiyembre 30, 2019 kinsa matag usa makadawat og year-end gratuity pay.
Gitug-an ni Gealon nga maoy tinguha sa mayor sa paghatag sa bonus aron ang mga empleyado sa kagamhanan mosaulog sa ilang Pasko nga adunay lamian nga pagkaon sa ilang talad kan-anan ug malipayon ang mga kasing-kasing. – /GMR BANAT NEWS
- Latest