Kahuot sa trapiko gipangandaman sa CT-TODA
CEBU, Philippines — Gilauman nga adunay kausaban sa dagan sa trapiko sa Dakbayan sa Talisay sugod karong buwana.
Si Jonathan Tumulak, hepe sa City of Talisay-Traffic Operations and Development Authority (CT-TODA) nibutyag nga makigtagbo siya sa mga tagdumala og patigayon sa siyudad aron sila masayod kon magpahigayon ba kini og sale tungod kay gilaoman nga dagsaan gyud kini sa katawhan.
Matud ni Tumulak nga mas maayo nga makaandam usab sila aron maplastada ang iyang mga personnel diha sa kadalanan aron makontrolar ang dagan sa trapiko.
Gibutyag usab ni Tumulak nga lakip sa maong tigom ang kapolisan tungod kay lakip usab sa hisgutan ang kabahin sa seguridad.
Si Tumulak nagkanayon nga gawas sa mga sale sa patigayonan daghan usab unya ang mga party ug uban pang kalihukan. Si Tumulak nanghinaot nga unta kong nakainom dili na lang kini mo maneho sa ilang sakyanan aron malikayan ang disgrasya. /BDB (BANATNEWS)
- Latest
