PDRRMO aduna nay hepe

CEBU, Philippines — Hingpit na nga nilingkod isip hepe sa Provincial Disaster Risk Reduction and Management Office (PDRRMO) si Neil Sanchez.

Si Sanchez kinsa nahimo na nga hepe sa maong buhatan kaniadto sa panahon ni Gobernador Gwendolyn Garcia hingpit na usab kining nilingkod kagahapon sa nahisgutang posisyon.

Ang PDRRMO usa na kini karon ka division ubos sa buhatan sa gobernador.

Si Sanchez nanumpa kini kang Garcia niadtong Hwebes sa hapon.

Si Sanchez nagkanayon nga karon nga siya na usab ang pangulo sa PDRRMO usa sa iyang tutokan mao ang pagpangandam sa umaabot nga bagyo nga kon moabot sa Philippine Area of Responsibility (PAR) tawagon nga "Tisoy".

 Matud ni Sanchez nga iyang ipresentar kang Garcia ang pre-disaster risk reduction plan alang sa maong bagyo.

  Nagkanayon usab si Sanchez nga iyahang i-review ang practices sa niaging administrasyon sa PDDRMO. – BANAT NEWS