“Rapist” sa Zamboanga nadakpan diha sa Talisay

CEBU, Philippines — Most wanted person tungod sa kasong rape didto sa Zamboanga  ang nasikop sa mga tinugyanan sa Provincial Intelligence Branch bitbit ang warrant of arrest sa may Seno Compound, Barangay Dumlog, Talisay City, Miyerkules sa gabii. Ang nasikop mao si Felix Banlaygas, alyas Felix, 55, temporaryong nagpuyo sa maong lugar. Matud pa sa pangulo sa PIB, Police Lt. Colonel  Marlu Conag, ilang gipangita ang suspek sukad nakadawat sila og impormasyong ikapito kini sa top most wanted person sa Zamboanga.

Sumala pa ni Conag, ang pagka sikop ni Banlaygas, hiniusa kini nga operation sa PIB CPPO 7 ug Dumanjug Municipal Police Station pinasikad sa warrant nga giluwatan ni Presiding Judge Soledad Acaylar sa RTC Branch 7, 9th Judicial Region Dipolog City, Zamboanga del Norte. Walay piyansa nga girekomendar.

Ang suspek gikatakdang mi-turnover  ngadto sa mga otoridad sa Zamboanga.  IBM (BANAT NEWS)