Cebu City Peace and Order Council giumol

CEBU, Philippines — Pormal nga giumol ni Cebu City Mayor Edgardo Labella ang City Peace and Order Council (CPOC).

Si Labella mao ang chairman sa CPOC samtang si Bise Mayor Michael Rama ang vice chairperson.

Ang mga sakop naglangkub sa chairman sa committee on peace and order, and public safety sa Sangguniang Panlungsod, pangulo sa Liga ng mga Barangay-Cebu City Chapter; city director sa Department of Interior and Local Government; city director sa Philippine National Police; commander sa Task Force Cebu-Bohol- Siquijor sa 3rd Infantry Division sa Philippine Army; agent sa Philippine Drug Enforcement Agency; division superintendent sa Department of Education; City Prosecutor sa Department of Justice; district engineer sa Department of Public Works and Highways; City Information Officer; City Agricultural Officer; City Social Welfare and Development Officer; City Health Officer; City Environment and Natural Resources Officer; tulo ka representante sa civil society organizations; ug pangulo sa Sangguniang Kabataan Federation.

Ang head secretariat mao ang DILG-Cebu City.

Ang CPOC ang mohan-ay sa mga Peace and Order Public Safety (POPS) Plan ug paghimo og usa ka Special Action Committee (SAC) batok sa insurhensya ug kriminalidad, pagdumala sa krisis, ug uban pa.

Si Labella, kinsa mao sab ang chairman sa Regional Peace and Order Council, nisaad nga pahugtan ang pagpakigbatok sa kriminalidad aron mapadayon ang kalinaw ug kahusay dili lang sa siyudad kun dili ang tibuok Central Visayas. (/GMR)(BANATNEWS)