SEA Games Torch Relay gipangandaman

CEBU, Philippines – Andam na ang Cebu City Police Office (CCPO) sa umaabot nga torch relay event nga dinhi pagahimuon sa umaabot nga  ika 30th Southeast Asian Games (SEA Games) karong umaabot nga adlaw’ng Sabado.

Gibutyag ni CCPO Operation Division Chief Police Major Allan Madrid Rosario kung diin sunod-sunod nga mga coordination meeting ang ilang gipahigayon uban ang nagkalain-laing ahensya sama sa Office of the Presidential Assistant for the Visayas (OPAV), mga organizers ug uban pa. Gipaabot nila nga kapin 6 mil ka mga fun run enthusiast ang moapil sa maong kalihokan ug dunay rerouting sa pipila ka dalan sa dakbayan ilabi na duol sa Mambaling paingon sa South Road Properties (SRP) diin didto manukad ang mga runners.

Alas- 3 sa hapon sugdan ang pagsirado sa kadalanan hangtud nga mahuman ang kalihukan. Matud pa ni Police Major Clark Suarez Arriola tigpamaba sa CCPO nga sayong mag-deploy og 200 ka polis duha pa ka oras sa dili pa kini magsugod. (/IBM)(BANAT NEWS)