Sige duwa sa cellphone gikulata sa amahan
CEBU, Philippines — Gidakop ang usa ka amahan human siya gipasanginlan nga nikulata sa iyang anak sa ilang panimaye sa Barangay Tabunok, Dakbayan sa Talisay kagahapon sa buntag.
Ang mga barangay tanod sa Tabunok maoy nisignit sa 45-anyos nga amahan kinsa giingong gireklamo sa inahan sa 13-anyos nga lalaki gumikan kay gibun-og.
Ang dinakpan nga nahinabi sa Banat News nitug-an nga sa niaging adlaw pa niya gisugo ang iyang anak sa pagpanglaba apan naabot nalang ang laing adlaw wala pa gihapon kini mahuman sa tahas.
Napungot ang amahan kay ang iyang anak nagsige og duwa og cellphone hinungdan nga iyang nadapatan.
Matud sa suspek nga kausa ra niya nadapatan ang bata apan base sa mga nakadakop niya kapila na niya kini gibuhat sumala sa inahan.
Gitanggong ang suspek samtang nagpaabot nga pasakaan og kaso. (/GMR)(BANATNEWS)
- Latest
