PRO-7 nihangop sa pagkatudlo ni Robredo
CEBU, Philippines – Gihangop sa Police Regional Office (PRO)-7 ang pagtudlo kang Bise Presidente Leni Robredo isip co-chairman sa Inter-Agency Committee on Anti-Illegal Drugs (ICAD).
Kini ang gibutyag sa direktor sa PRO-7 Police Brigadier General Valeriano De Leon diin matud niya nga usa kini ka maayong kalamboan ilabi na sa pagtinabangay sa pagsulbad sa problema sa illegal nga drugas.
“I think the appointment of VP Leni Robredo as co-chair of ICAD the president is a welcome development, which means we have a healing president that he wants to unite everybody to join hands to once and for all eradicate the drug menace that breeds corruption”, matud ni De Leon.
Napanglantawan ni De Leon nga mas mapadali ang pakigbatok sa ilegal nga drugas ilabi na dinhi sa Central Visayas nga daghan og mga personalidad ang nalakip sa narcolist ni Presidente Rodrigo Duterte.
Samtang gidawat usab ni Robredo ang pagtudlo kaniya sa presidente sa nahisgutang katungdanan.
Si Robredo nipadayag nga buot niyang mahatagan og hustisya ang mga namatay nga inosente sa drug war nga gilusad sa presidente. (/BDB)(BANAT NEWS)
- Latest