P5 milyong shabu nasakmit sa kapolisan

CEBU, Philippines — Dul-an sa P3 milyones nga balor sa drugas ang nasakmit sa managlahi nga buy-bust operation sa Dakbayan sa Mandaue ug Sugbo adlaw nga Biyernes.

Unang operasyon nahitabo sa may Barangay Tingub nga gikasikop ni Rommel Llatona, 23, taga Barangay Pahina Central ning Dakbayan sa Sugbo ug usa ka city level high value target.

Ang grupo ni Police Major Regino Maramag Jr. nakasakmit og 300 gramos nga mobalor og P2,040,000.00 base sa dangerous drug board value ug ang buy-bust money.

Laing buy-bust nahitabo sa may Barangay Poblacion Pardo nga gikasikop nila ni Edwin Juab, 37, HVT, ug Jenelyn Kate Flores, 20, mga residente sa Barangay Ermita.

Usa kini ka hiniusang operasyon sa Pardo Police Station, RID7, PDEA7 ug PNP DEG Visayas ug nakasakmit og 103 gramos sa gituohang shabu nga mobalor og P700,400.00 base sa Dangerous Drug Board Value ug lakip ang buy-bust money.

Katapusang naposasan sa kapulisan sa may Sitio Elma, Barangay Cogon mao si Ian Catapan, 29, HVT, residente sa Sitio Bonbonan, Barangay Labangon nga nakuhaan og 25 gramos nga gidudahang shabu nga mobalor og P170 mil.

Samtang mokabat P2 milyones nga kantidad sa gidudahang shabu gikan sa giilang HVT sa Barangay Tingub sa Dakbayan sa Mandaue ang nasakmit sa mga sakop sa City Drug Enforcement Unit (CDEU)  sa  Mandaue City Police Office (MCPO) Biyernes  sa gabii.

Si  Police Major  Regino  Maramag uban sa mga sakop niini nidakop kang Rommel  Depariene  Llatona, 23, taga Barangay  Pahina  Central sa Dakbayan  sa  Sugbo.

Si Maramag miingon nga nakadawat sila og mga taho labot sa illegal nga kalihokan sa maong dinakpan hinungdan sa gihimo nilang buy-bust operation.

Samtang sa managkalahing buy-bust operation sa kapolisan sa Lapu-Lapu  City  Police  Office (LLCPO) nga gipangulohan sa ilang hepe sa City  Intelligence  Branch (CIB)  Police Lieutenant  Colonel Mark Gifter Sucalit nga niresulta sa pagkasikop sa walo ka gidudahang drug pushers. (Romeo  T. Limpangog/IBM)(BANATNEWS)