DFA nilusad sa ilang authentication services
CEBU, Philippines – Opisyal na nga gilusad sa Department of Foreign Affairs ang authentication services sa DFA Consular Office sa nilabay’ng adlaw’ng Martes.
Uban ni Foreign Affairs Secretary Toedoro Locsin, Jr., si Presidential Assistant for the Visayas Secretary Michael Dino kinsa maoy guest of honor sa nahisgutang kalihukan.
Ang paglusad sa authentication aervices sa Sugbo maoy tubag sa dugay na nga reklamo sa publiko mahitungod sa rollout sa authentication services sa Visayas.
Nitambong usab sa maong kalihukan sila si Mandaue City Mayor Jonas Cortes, DFA Undersecretary Brigido “DJ” Dulay; Edward Gaisano, presidente sa Pacific Mall Metro Mandaue ug DFA Assistant Secretary for Consular Affairs Neil Frank Ferrer.
Ang authentication services magtugot sa Philippine-issued document sama sa birth certificates, academic records, ug PRC licenses aron ilhon abroad ang valuable service alang sa Overseas Filipino Workers, businesses ug ubang sektor. Si Dino sa iyang bahin, nidayeg sa gihimong kalamboan sa DFA pinangulohan ni Locsin.
“I am also elated that the DFA, after having launched five authentication service sites in Luzon, they have finally brought it to the Visayas and the first one here in Cebu. This is a good thing because Cebu is the most populated province in the Visayas and the most centrally located”, padayag ni Dino.
Nanghinaot usab si Dino nga ang ubang DFA office sa Visyas molusad usab sa ilang tagsa-tagsa ka authentication services aron pag-akumodar sa mga tawo sa ubang rehiyon aron dili na kini kinahanglang mobiyahe ngadto sa layo. (/BDB)(BANAT NEWS)
- Latest
