Simbahan molihok sa ika-500 tuig sa Kristiyanismo

CEBU, Philippines — Ipadayon sa Simbahang Katoliko ang pagsaulog sa ika-500 ka tuig na sumad sa Kristiyanismo sa nasud ilabi na sa Sugbo.

Kini sumala pa ni Msgr. Joseph Tan, tigpamaba sa Archdiocese of Cebu, bisan sa pamahayag ni Presidente Rodrigo Duterte nga dili kini angayan iselebrar.

Matud ni Tan nga dili ikalimod ang pamahayag ni Duterte nga nahimong ulipon sa mga Katsila ang nasud sama sab sa ubang kanasuran.

Gipasabot ni Tan nga ang saulogon dili ang pagsakop sa Espanya sa Pilipinas kung dili ang kasaysayan sa pag-abot sa kahayag sa pagtuo pinaagi ni Ferdinand Magellan.

Si Tan nidugang nga kung ang Presidente adunay gipangandaman alang sa ika-500 ka tuig, ang Simbahan nangandam sab alang sa evangelization sa anibersaryo diin ang duha ka managlahi nga kalihukan susama ang padulngan. (/GMR)(BANATNEWS)