Mga biktima sa krimen giawhag pagkooperar sa kapolisan

CEBU, Philippines — Giangkon sa pangu sa kapulisan sa Syudad sa Talisay nga nigara nasab ang pagpanulis sa nagkalain-laing barangay mao nga hasta si Mayor Gerald Anthony “Samsam” Gullas Jr. nitawag na sa atensyon sa kapolisan. Apan si Police Major Orlando Carag Jr. nipasabot nga ang nabiktima adto nisumbong sa mayor nganong dili man sa ilang buhatan.

Sumala pa ni Carag mas maayo nga sila mismo ang makaestorya sa biktima aron makahimo og imbestigasyon aron mailhan ug masikop ang responsable sa krimen.

Si Gullas mipatawag ni Carag gumikan sa reklamo sa negusyante og isda nga gikawatan sa iyang paninda ug duna pay uban nga nabiktima sa tulis diha sa kadalanan apan didto gihapon nidangop sa mayor ug dili sa ilang buhatan. Migara kini sa nangaging mga buwan apan nahilom dihang daghang mga nalambigit sa drugas, kawat, pagpanulis ug uban pa ang gipamatay apan karon nibalik nasab.

Giawhag ni Carag nga kadtong mga nabiktima mokooperar sa kapolisan. (/IBM)(BANATNEWS)