Mga polis sa Cordova gi-drug test
CEBU, Philippines — Kalit nga gipaubos sa drug test ang tibuok Cordova Police Station dihang surpresang niduaw sa ilang buhatan si Police Regional Office-7 director Police Brigadier General Debold Sinas kagahapong adlawa. Ang hepe sa maong estasyonan nga si Police Captain Efren Diaz nagkanayon nga 24 ka mga polis sa ilang estasyonan ang mipaubos sa maong kinalit nga drug test.
Matud pa nga sa pagkakaron, wala pa hinuoy resulta sa maong drug test apan masaligon sila nga walay magpositibo niini.
“So far wala naman eh, wala pa kasing resulta sa drug test. Pag mag positive: actually pag meron, file-an ng admin case,” sigun ni Diaz. Giingong gipasidan-an sila ni Sinas nga dili mogamit og illegal nga drugas ug dili mohimo og illegal nga mga aktibidad sanglit mas gipahugtan nila karon ang ilang internal cleansing.
Nasayran, dili lang dugay gianunsyo ni Sinas nga nagpositibo sa illegal nga drogas ang tulo ka mga operatiba sa Waterfront Police station. Giingong moagi sila og tukmang proseso apan matud pa nga hayan taktakon kini sa serbisyo. (/IBM)(BANATNEWS)
- Latest
