Gipangguba sa City Hall ipasusi sa COA
CEBU, Philippines — Nanghangyo ang Cebu City Legal Office sa Commission on Audit nga imbestigahon ang demolisyon sa opisina sa mayor.
Sumala sa kamanduan ni Mayor Edgardo Labella, si City Attorney Rey Gealon niingon nga nagpadala siya og komunikasyon sa COA aron sa pagpangutana kung ang demolisyon nasubay ba sa lagda sa ilang buhatan.
Si Gealon niingon nga ang COA Circular No. 89-296 naglatid sa pamaagi sa pag-dispose sa butang sa gobiyerno.
Niadtong Hunyo 27, 2019 giingong gipaguba ni kanhi mayor Tomas Osmeña ang iyang buhatan sa ikawalong andana sa Executive Building sa Cebu City Hall.
Ang hangyo ni Gealon nga adunay imbestigasyon ang COA walay labot sa kaso nga anaa sa buhatan sa Ombudsman.
Si Mejelito Cajes sa Building Maintenance Services ang nisang-at sa kasong kriminal ug administratiba batok ni Osmeña ug 44 ka kaubanan tungod sa gipangguba nga butang.
Ang gipangguba mobalor og P857,713.14 base sa pagbana-bana sa Department of Engineering and Public Works. (BANAT NEWS)
- Latest
