Sarno: Desisyon sa Comelec first division huwaton
CEBU, Philippines — Ang pinal nga desisyon sa Comelec first division huwaton kong ang botos ni Sherwin Abella nga giingong nuisance candidate sa nilabay’ng eleksiyon maadto pabor kang Atty.Marie Velle “Amay” Abella matud ni Atty. Marchel Sarno, north district election officer.
Sa pagkakaron, si Konsehal Phillip Zafra kinsa nalandig sa ikawalo nga pwesto sa pagkakonsehal sa Cebu City south district magpabilin sa iyahang katungdanan.
Si Atty. Abella nibista kagahapon sa buhatan ni Sarno ug nagpakisayod kong niduso ba og motion for reconsideration si Sherwin ug tinguha usab niya nga makakuha og dokumento nga magpakita nga na-serve na sa ahensiya ang desisyon batok kang Sherwin aron maka-file og motion for execution.
Kahinumduman nga ang Comelec first division nagdeklarar kang Sherwin isip nuisance candidate kang Marie Velle. Sa desisyon niadtong Hunyo 28 niining tuiga gikanselar sa first division ang kandidatura ni Sherwin human ilang gi-grant ang petisyon ni Marie Velle nga ideklara ang nauna isip nuisance candidate.
Ang desisyon gipirmahan sa presiding commissioner Al Parreño uban sa duha ka commissioner nga sila si Ma. Rowena Amelia Guanzona ug Marlon Casquejo.
Niadtong October 22, 2018 si Marie Velle nisang-at og petisyon ngadto sa Comelec batok kang Sherwin nga giingong walay profession o trabaho ug walay financial resources alang sa pagpangampaniya.
Gikwestiyon usab niya ang kanidatura ni Sherwin tungod kay giingong wala kini political affiliation nga mag-back up sa iyang kampaniya.
Subay niini, niadtong Nobiyembre 8, 2018 ang first division niawhag sa respondent nga mo-file sa iyahang verified answer sulod sa lima ka adlaw nga regulatory period apan si Sherwin o iyang abogado napakyas sa pagpatim-aw sa conference niadtong Disyembre 11 ug 27, 2018. (BANAT NEWS)
- Latest
