Mga sakop sa PIB nga girelibo pahulipan
CEBU, Philippines – Mga sakop sa Provincial Intelligence Branch (PIB) kinsa girelibohan dili na makabalik sa maong unit tungod kay buot sa bag-ong direktor sa Cebu Provincial Police Office nga pulos mga bag-o ang iyang mga operatiba.
“Mas maganda na bago ako, bago din yong PIB ko so that pagka bini-brief natin gusto nating maging katotohanan”, matud sa bag-ong direktor Police Colonel Roderick Mariano.
Gibutyag ni Mariano nga kasamtangan siyang nangita og mga polis nga adunay potential nga mahimong operatiba batok drugas.
Usa sa iyang gitan-aw mao nga limpiyo ug walay derogatory record ang maong polis.
Ug kun kompleto na ang napilian ipaubos kini og mga seminar ug training labot sa pagsumpo sa ilegal nga drugas.
Giingong ang mga girelibohang operatiba sa PIB pangitaan pa kini og unit ug posibleng ang uban kanila ipakatap diha sa mga estasyonan sa kapolisan sa probinsiya.
“Sayang naman ang galing nila, titingnan ko kung saan ko sila ilalagay, observe ko kung ano yong competencies nila”, matud ni Mariano.
Nasayran nga gipabalik na sa CPPO ang mga girelibohang operatiba sa PIB.
Kahinumduman nga girelibohan ang maong pwersa human sa giingong ‘misencounter’ ug ‘miscoordination’ tali kang Police Corporal Feliciano Yballe, Jr..
Sa press release sa kadagkoan sa kapolisan sa rehiyon-7 giingong anaa sa Barangay Sinsin nagtago ang suspek nga nipusil patay sa operatiba sa PIB nga si Police Master Sergeant Junard Cinco ug nagpadumdum lang unta sila kang Yballe kinsa giingong suhito sa dapit.
Apan giingong nipabuto si Yballe ug niresulta sa pinusilay diin si Yballe namatay sa maong hitabo.
Sa maong insidente girelibohan ang tanang sakop sa PIB. (/BDB)(BANAT NEWS)
- Latest