Sakyanan ni Osmeña gidasmagan
CEBU, Philippines – Naangol ang usa ka rider sa motorsiklo human siya mibangga sa sakyanan ni outgoing Cebu City Mayor Tomas Osmeña kagahapon sa buntag didto sa Pope John Paul II Avenue sa Barangay Mabolo, ning siyudad.
Base sa inisyal nga imbestigasyon sa Mabolo Police Station, ang drayber sa motorsiklo nga giila nga si Jacky Atuel wala mihunong bisan pa og stop signal na kini. Tungod kay diritso kini nga midagan wala kini makahunong og mibangga sa sakyanan ni Osmeña nga niadtong tungura gimaneho ni Joemar Mabini.
Si Osmeña sakay sa awto tungod kay paingun kini sa Mactan Cebu International Airport.
Si Police Chief Major Dindo Juanito Alaras sa Mabolo Police Station nga aminado usab si Atuel nga nakainom. Daling gidala si Atuel sa Cebu City Medical Center para matambalan ug karon anaa na kini sa luwas nga kahimtang. Luwas ra usab si Osmeña ug iyang drayber nga si Mabini. —/LPM (BANAT NEWS)
- Latest
