Tungod sa depresyon, bana naghikog
CEBU, Philippines — Nahay-ad na nga walay kinabuhi ang 67-anyos nga lalaki sulod sa kwarto sa iyang panimalay sa dalan P. del Rosario Extension, Barangay Sambag 1, Siyudad sa Sugbo niadtong Miyerkules sa buntag.
Ang namatay giila nga si Jesus Pepito Hilot kinsa sumala pa sa asawa nga si Magdalena nga nakita niya ang iyang bana nga naglingkod sa kama nga naggunit og pisi nga gihigot sa iyang agtang padulong sa suwang nga wala na nagginhawa.
Dali kining gidala sa Cebu City Medical Center (CCMC) apan gideklarar nga patay na.
Sa dugang pakisusi sa mga awtoridad nga gipangulohan ni Police Corporal Eutemio Catalan nasayran nga depresyon ang gihambin sa lalaki samtang adunay gihambin nga high blood pressure.
Sa wala pa namatay si Hilot giingong pipila ka higayon na kining nisuway og kutlo sa iyang kinabuhi. (Jezebel Braulio, CNU Intern/GMR) (BANAT NEWS)
- Latest
