NHCP nangandam na sa Independence Day
CEBU, Philippines — Ang National Historical Commission of the Philippines andam na alang sa ipahigayon nga national commemoration of Independence Day sa Dakbayan sa Lapu-Lapu karong Miyerkules, Hunyo 12.
Kini ang gitug-an ni Dr. Rene Escalante, chairman of the Board sa NHCP.
Matud ni Escalante nga ang maong kalihukan ipahigayon sa shrine ni Lapu-Lapu sa Mactan diin tambongan kini sa pipila ka cabinet secretary.
Sa pagkakaron nangandam na sila diin aduna nay gipahimutang nga stage ug pipila ka mga kinahanglanon.
Gitug-an ni Escalante nga simultaneous ang maong kalihukan sa lain-lain nga lugar apan anha sila sa Lapu-Lapu motambong tungod usab sa mga kabag-ohan.
Gibutyag ni Escalante nga ilaha usab karong gi-proposed ang pag-revive sa P2 mil nga papel nga kwarta nga anaa ang hulagway ni Lapu-Lapu apan magpaabot pa sila sa resulta niini sa Bangko Sentral ng Pilipinas kay kinahanglan pa man usab kini nga tun-an. Si Escalante ania sa Sugbo aron personal nga tutokan ang pagpangandam sa Dakbayan sa Lapu-Lapu alang sa kalihukan sa independence day. (BANAT NEWS)
- Latest
