Talisay kuwang sa magtutudlo
CEBU, Philippines – Giangkon sa schools division superintendent sa Siyudad sa Talisay nga nag-double shifting gyud sila sa ilang mga klase gumikan sa kakuwang sa tunghaan ingon man magtutudlo.
Si Dr. Arden Monisit niingon nga adunay mga tunghaan sa siyudad nga sakto ra ang lawak saringan apan pabilin nga kuwang ra gihapon ang mga magtutudlo.
Adunay 44 ka tunghaan ang Dakbayan sa Talisay. Sa pagkakaron, mahug nga sa usa ka maestra 43 ka tinun-an ang iyang dad-on sa klase apan ang ideal gyud unta mao ang 1 is to 35. Nagkuha sila og 30 ka magtutudlo apan kuwang ra gihapon kini. Naa ra sila sa 2,000 ka magtutudlo kapin o kulang.Asoy pa ni Monisit nga maapektahan gyud ang pagtungha sa mga bata tungod kay mawagtang naman ang ilang focus sa pagtungha.
Adunay uban nga tunghaan nga nagtulda apan sa Siyudad sa Talisay wala ray susama nga sitwasyon. (/GMR)(BANAT NEWS)
- Latest
