Del mar way palta
CEBU, Philippines — Gipasidunggan sa iyang kaubanan si Kongresista Raul del Mar sa Cebu City North District gumikan sa ka walay palta sa sesyon sa sulod sa iyang walo ka termino.
Ang House Resolution 197 nagpasidungog kang del Mar sa iyang mga nahimo diin lakip niini ang 71 ka balaud nga iyang gipangamahanan sama sa Magna Carta of the Poor, Anti-Violence Against Women and Children, pagmugna sa Cebu Port Authority ug Mactan-Cebu International Airport Authority ug uban pa.
Si Del Mar nag-alagad sa 8th, 9th, 10th, 12th, 13th, 14th, 16th and 17thCongresses samtang nasublian na sab siya sa niaging eleksiyon alang sa 18th Congress.
Ang pasidungog gitunol ni House Speaker Gloria Macapagal-Arroyo atol sa “Pagpupugay sa mga Kinatawang Ika-Labimpitong Kongreso” (A Salute to the Members of the Seventeenth Congress), dayun tapos sa ilang sesyon niadtong Lunes.
- Latest
