Midnight deals di dawaton ni Garcia
CEBU, Philippines — Si Cebu governor - elect Gwendolyn Garcia nipahimangno sa mga opisyal sa kapitolyo nga dili mohimo og mga “midnight deals” ug pag issue og midnight appointments sa iyang pagahulipang si Governor Hilario Davide III.
Si Garcia ni appoint na kini sa iyang transition team alang sa iyang pag-asumir sa Kapitolyo inig Hunyo 30 sa alas 12 sa udto.
Ang transition team gilangkuban kini nila ni Atty. Manolette F.E. Dinsay, Atty. Marino E. Martinquilla, Atty. Lito B. Astillero, ug Atty.Frank Eduard C. Dinsay V.
Karong adlawa gikatakda nila nga ipadala ang sulat ngadto kang Davide pagpahimangno nga si Garcia dili modawat sa bisan unsa nga midnight deals, appointments ug transaksyon sa outgoing nga administrasyon.
Matud ni Dinsay nga likayan unta sa outgoing governor pag filling-up vacancies pagsirado sa mga deals, ug pagsulod og kontrata sa naghinapos nga mga adlaw sa iyang termino.
Kini aron nga mahatagan ang sunod nga gobernador og higayon nga maka konsiderar og nga pangalan subay sa iyahang polisiya unya sa Kapitolyo o ang revive sa mga programa niya kaniadto sa dihang siya pa ang gobernador niadtong tuig 2004 hangtod 2013.
“Basically, the outgoing governor’s role from now on until the inauguration is merely just to prepare for the orderly transfer of authority to the incoming Governor. He should not do anything to obstruct the policies of, or undermine, embarrass his successor,” matud Dinsay
Si Garcia mobalik sa Kapitolyo human sa unom ka tuig human kini nakadaog sa bag-ohay pa lang nahuman nga midterm elections. (/IBM)(BANATNEWS)
- Latest
