Pagpataud og kuryente himuong libre?
CEBU, Philippines – Matawag nga “three-cornered fight” ang piniliay sa Dakbayan sa Lapu-Lapu sanglit tulo ka kandidadto pagka-mayor ang buot magpapili sa mga Oponganon karong umaabot Lunes, Mayo 13.
Mag-atbang sa maong posisyon sila si Pajo Barangay Captain Junard Ahong Chan sa Team Libre, kanhi mayor ug kongresista Arturo “Boy” Radaza sa grupong Deretso ug si Engr. Rolando Patalinjug.
Usa sa mga gipasalig ni Chan ngadto sa mga Oponganon nga kon siya ang mapili pagka-mayor, librehon niya ang serbisyo sa pagpataud og kuryente ngadto sa kabalayan basta mosunod lang sa proseso.
Hinuon iyang gitataw nga dili libre matag bulan nga konsumo sa kuryente.
Samtang gihimakak niini ang mga pasangil nga ang ilang mga billboard nga gipasiga, walay pagtugot ang connection sa Mactan Electric Company (MECO).
Gipamatud-an kini ni Chan pinaagi sa gihuptan nga resibo nga sila nagbayad sa gigamit nga kuryente. (/DILT)(BANAT NEWS)
- Latest