Absentee voting sa polis magsugod ugma

CEBU, Philippines — Magsugod ugmang adlawa, Abril 29 ang absentee voting sa kapolisan sa Central Visayas ug matapos kini karong sa Mayo 1, adlawng Miyekules.

Gipahibawo ni Police Regional Office-7 regional director Brigadier General Debold Sinas nga moabot sa 1, 582 ka mga polis ang mopahimulos sa maong kalihukan.

Nasayran nga 1,199  ka mga polis ang mobotar sa headquarters sa PRO-7, 135 sa Bohol, 235 sa Negros Oriental ug 13 sa Siquijor.

Gihug-atan ni Sinas nga ang mga national candidates lang ang mahimong botaran sa kapolisan nga mo-avail sa absentee voting.

Dugang niini nga iya usab ipasusi kon nganong gamay lang sa mga polis ang mopahimulos sa maong kahigayonan. (/DILT)(BANATNEWS)