Nagbitbit og armas sikop
CEBU, Philippines – Nagtingkagol sa detention cell sa Mandaue City Police Office ang usa ka 35-anyos nga lalaki tungod sa kalapasan sa Comelec gun ban human kini naimbargohi og armas.
Insidente nahitabo diha sa Mandaue City Sports Center, Barangay Centro sa maong siyudad kagahapon sa buntag.
Ang nasikop mao si Nelson Lim, hingkod ang panuigon, taga Sitio Cagbao, Barangay Cogon, Dakbayan sa Naga.
Matud ni Police Chief Inspector Aldrin Villacampa sa Mandaue City Police Office naaktohan nila si Lim nga naghupot og armas nga walay gipakita nga dokumento o lisensiya niini.
Nasa?mit gikan kang Lim ang usa ka kalibre .45 colt gold cup, pito ka buhing bala, usa ka sling bag ug ID niini nga usa ka R7 unified marshal.
Ang suspetsado gikatakdang pasakaan og kasong illegal possession of firearms ug Comelec gun ban. (/BDB)(BANAT NEWS)
- Latest
