Blatche seguradong mapiit sa depensa
CEBU, Philippines — Napanglantawan na ni Gilas Pilipinas coach Yeng Guiao nga ahente sa 'double-team' ang naturalized bigman niyang si Andray Blatche sa ilang duwa batok sa Qatar sa final leg sa FIBA World Cup qualifiers sunod semana didto sa Doha, Qatar.
Nasayran, ang Gilas migikan na kagahapon paingon sa Qatar diin adto ra usab nila ikakita pagbalik si Blatche.
Si Guiao miingon nga gipangandaman na sa Qatar si Blatche nga maoy numero uno nilang opsiyon sa opensa. Gidasig sab ni Guiao ang uban niyang scorers nga mosuporta ni Blatche.
Lakip sa iyang mga gilauman nga mopuntos kun ugaling matuok si Blatche sa depensa sa Qatar mao sila si Jayson Castro, JuneMar Fajardo, Japeth Aguilar ug RR Pogoy.
Sa iyang bahin, ang five-time MVP nga si Fajardo miingon nga mas makabuwelo siya karon nga anaa si Blatche tungod kay may katimbang na siya batok sa mga higanteng players sa Qatar.
- Latest