Polis giingong nagdala og paltik sikop
CEBU, Philippines — Usa ka polis kinsa nadakpan kaniadto human pasanginling nangilkil ang nadakpan na usab tungod kay giingong nagdala kini og paltik nga armas atol sa gipahigayong inspection sa Police Regional Office (PRO)-7 niadtong Myerkules.
Ang mga opisyal sa PRO-7 niila sa nadakpan nga mao si Police Officer 3 Ritchie Saquilabon, kinsa nadestino diha sa Regional Personnel Holding and Accounting Unit (RPHAU) samtang nagpaabot sa dagan sa giatubang niini nga kaso.
Kahinumduman nga si Saquilabon na-entrap sa Counter Intelligence Task Force Special Group- Visayas (CITFSG) niadtong Marso 2018 nga giingong nangilkil sa dinakpan niini sa ilega nga drugas.
Giingong ang maong insidente ang hinungdan nga narelibohan ang tanang polis diha sa Pari-an Police Station.
Si Chief Superintendent Debold Sinas, direktor sa PRO-7 nibutyag nga atol sa inspection nadiskobreha nga dili service firearm ang giluklok ni Saquilabon nga armas sa iyang hawak.
“Dapat issued firearm gyud ang dalhon sa polis dili paltik”, matud ni Sinas. Si Saquilabon ang mag-atubang og kasong kalapasan sa Comekec gun ban, paghupot og ilegal nga armas ug kasong administratiba .
Dugang ni Sinas nga napun-an ang grounds for dismissal kang Saquilabon.
Si Saquilabon kinsa natanggong karon diha sa Abellana Police Station ang nagdumli sa pagpahatag og pamahayag dihang gisuwayan sa mga tigbalita og kuha ang habig niini. (/BDB)(BANATNEWS)
- Latest
