Pagmatngon pahimangno sa BFP

CEBU, Philippines — Kabomberohan sa rehiyon nangandam na usab alang sa pagsugat sa Pasko ug Bag-ong Tuig.

Gipahibawo ni Fire Senior Supt. Gilbert Dolot, ang bag-ong regional director sa Bureau of Fire-7 miingon nga niadto pang Disyembre 1 pa lang aduna na silay mga nakahan-ay nga mga kalihukan sa tanang fire station isip pagpangandam sa Pasko ug Bag-ong Tuig.

Dugang sa direktor nga mihimo usab sila og Oplan Paalala sa mga komunidad alang sa luwas nga pagsugat sa naasoy nga mga kasaulogan.

Aduna silay public fire safety tips nga gihatag sa publiko hinungdan nga awhag niya sa katawhan nga likayan ang pagsaksak sa mga kagamitan kon wala kini gamita ug dili usab biyaan ang mga niluto aron malikayan ang sunog.

Awhag usab ni Dolot nga mas maayo nga dili nalang mogamit ang publiko ug pabuto aron malikayan ang disgrasya ug sunog. —/DILT (BANATNEWS)