Regalo alang sa mga piniriso estriktohon
CEBU, Philippines – Moagi una sa mga tinugyanan sa mga Talisay City Jail ang tanang regalo nga ihatag sa mga bisita ngadto sa mga piniriso sa maong prisohan.
Si Sr. Insp. Cryserel Awe, warden sa TCJ, miingon nga giisa nila sa red alert ang ila estado ug hugot ang ilang pagbantay nga buhaton sa tanang mga bisita nga muhatag og regalo ngadto sa mga piniriso.
Si Awe nagtuo nga mas angay nga magbinantayon sila tungod kay adunay mga musuway pagpalusot og mga iligal nga kontrabando sulod sa prisohan.
Nagkanayon si Awe nga dakong epekto ang ilang gipatuman nga ID system kay ang mga dalaw nga walay ID dili na man gyud pasudlon.Gani kun ipugos gyud nila sa pagpalusot sa kontrabando, mas sayon na lang nila sa pag-ila kung kinsa ang tawo nga mipasulod niini.
Dugang pa ni Awe nga dili kalikayan nga aduna’y mga regalo ang mga piniriso apan buksan gyud kini sa iyang mga sakop masiguro nga limpyo nga butang ang masulod sa pasilidad.
Karong semanaha ang christmas party sa mga binilanggo diha sulod sa ilang tagsa-tagsa ka cottage.— /LPM (BANAT NEWS)
- Latest
