Partidong Alayon landslide ang kadaogan?

CEBU, Philippines – Gitinguha ni Bise Mayor Alan Bucao sa Dakbayan sa Talisay ang landslide victory alang sa Partidong Alayon sa sunod tuig nga eleksiyon.

Si Bucao nagkanayon nga dako ang iyang pagsalig sa ilang grupo ug unang higayon kini nga naghiusa sila sa Partidong sa Alayon pinangulohan ni Kongresista Gerald Anthony "Samsam" Gullas.

Si Bucao nangangkon nga lig-on ang ilang tandem ni Kongresista Gullas ug ang kinatibuk-ang 22 ka barangaynga nisuporta kini sa ilang grupo.

Si Bucao masaligon sa batan-ong Gullas tungod sa kasinatian na niini ug giingong duna na kini gihan-ay nga programa alang sa siyudad.

Nunot niini, si Bucao nagkanayon nga ang opisisyon mabantayan nga wala kini magkahiusa tungod kay giingong nag-iya kini sa ilang pagdagan sa eleksiyon sa sunod tuig.

Si Konsehal Doroteo Emit kinsa kauban kaniadto sa Alayon ug karon nag-independente nga magpapili sa kataposan niyang termino nagkanayon nga ang tanang kandidato nangandoy nga modaog hinungdan nga maningkamot usab sila nga makadaog sa posisyo nga ilang gidaganan.

“Every candidates are running to win. We are also seek election to win,” nagkanayon si Emit. (/BDB)(BANAT NEWS)