Pasahero nidagsa apan hapsay gihapon
CEBU, Philippines — Daghang mga pasahero apan hapsay gihapon ang operasyon sa Cebu South Bus Terminal (CSBT) kagahapon atol sa Kalag-Kalag.
Si Jonathan “Joy” Tumulak ang manager sa CSBT nagkanayon nga nagsugod pagdasok ang mga tawo alas 5 na sa hapon sa dihang nilandong na ug mas nibaga pa kini pag abot sa gabie ug gahapon sa kaadlawon. Pagabot sa udto niminus ang mga pasahero ug nakabalik na usab ang ubang mga bus. Gibanabana nga niadtong Oktubre 31 gibanabanang miabot og 43 mil ang mga pasaherong midagsa sa CSBT.
Matud ni Tumulak dili momebus 300 ka mga bus sa maong terminal ang nakabiyahe wala pay labot ang nagamit nga mga bus nga gipadala sa mga LGUs, paghakot sa mga pasahero.
Wala usab silay natala nga mga kaguliyang nga nadawat sugod niadtong Miyerkules hangtod kagahapon bisan pa man nga nitaas ang linya sa gawas.
Apil sa mga taas og linya sa mga pasahero mao ang biyahe padulong Carcar ug Sibonga nga sakay sa mga mini bus. Samtang ang mga polis sa probinsya nitabang sa mga gwardya ug civil security unit sa Kapitolyo pagbantay sa sulod kay hasta sa luyo nga bahin sa terminal nagdasok usab ang mga pasahero padulong Bato Oslob ug Barili. Aron usab sa paspas nga paglakaw pasud sa maong terminal, ang mga sakop sa Prevention Restoration Order Beautification Enhancement (PROBE ) Team sa Siyudad sa Sugbo gipangulohan ni Raquel Arce nanghawan sa mga street vendors nga nakasabal sa agianan sa mga pasahero. -/IBM (BANATNEWS)
- Latest