Duterte motambong sa International River Summit
CEBU, Philippines — Nag-una sa mga gidapit sa pagtambong sa pagbukas sa 4th International River Summit karong Nobiyembre 22 si Presidente Rodrigo Duterte nga ipahigayon sa Dakbayan sa Mandaue.
Kini ang nasayran kang Bise Mayor Carlo Fortuna kinsa niingon nga nahingpit na ang ilang gihimo nga pagpangandam sa maong kalihukan.
Gitataw ni Fortuna nga ang maong kalihukan nga molungtad sa Nobiyembre 24 ang tambungan sa nagkadaiyang mga opisyal gikan sa nagkalainlaing kanasuran nga gibanabana nga 700 ka delegado.
Ang Cebu Leg of the Summit ang hiniusa nga nahugpong sa kagamhanan sa Dakbayan sa Mandaue, Department of Environment and Natural Resources ingon man sa Cebu River Basins Management Council.
Naglakip sa mga dapit nga pagahimoon ang maong kalihukan mao ang Convention Center sa J Center Mall sa Dakbayan sa Mandaue. (BANAT NEWS)
- Latest