Rama: Pangasaba kang Osmeña, igo na
CEBU, Philippines — Masaligon gihapon hangtud karon si kanhi Cebu City mayor Michael Rama nga di makaapektar sa iyang tinguha pagdagan pagkabise-mayor sa sunod tuig ang paghingan kaniya nga narco-politician ni Pres. Duterte.
Si Rama mipasabot nga sakripisyo kining pagdagan niya pagka-bise mayor imbes nga mayor sa umaabot nga piniliay.
Sigon ni Rama siya nagtuo nga ang publiko nasayod nga inosente siya sa akusasyon batok niya.
Niadtong Agosto 6, 2016 si Duterte mihingan kang Rama nga narco-politician. Human niini, si Rama nangita og paagi nga maka-estorya ang presidente aron paglimpyo sa iyang ngalan.
Apan kagahapon siya miingon nga ang pakig-estorya sa Presidente daw dili na kinahanglan human gikasab-an ni Duterte si Mayor Tomas Osmeña kay para niya may positibo kining impact sa iyahang kandidatura.
“To tell you honestly, when Tomas Osmeña was undressed, I don’t think it is necessary anymore (pakigkita ni Duterte). To be openly slammed by the president and he is the President will clear that. It’s a bonus," ni Rama pa.
Si Vice Mayor Edgardo Labella kinsa maoy standard bearer sa Barug Team Rama susama sab og panan-aw ni Rama.
Gihimakak sab niya ang report nga gipapangita sila sa PDP-Laban og laing mapares nga bise mayor kay ang tinuod nadesisyunan na sa Barug Team Rama nga "Labella-Rama" tandem sa midterm elections. (BANAT NEWS)
- Latest