LTO-7 mogamit sa luna sa probinsiya
CEBU, Philippines — Nihangyo ang Land Transportation Office-7 og luna gikan sa Probinsiya sa Sugbo nga magsilbing impounding area sa mga sakyanan.
Si Victor Caindec, regional director sa LTO-Central Visayas, nibisita sa buhatan sa gobernador aron personal nga mohangyo kun aduna bay bakanteng luna nga mamahimong mahuwaman o marentahan sa LTO.
“LTO-7 is looking for enough space so that when operations are conducted, the agency will not be constrained with where to secure impounded vehicles,” matud ni Caindec.
Matud niya nga anaa ra sa pagbuot sa Kapitolyo kun asa nga luna niini ang mamahimong mapagamit.
Matud ni Gobernador Hilario Davide III nga sa pagkakaron nangita pa sila og bakante nga luna sa probinsiya.
Niadtong Martes ang Kapitolyo nidonar og luna alang sa buhatan sa Criminal Investigation and Detection Group (CIDG-7) ug sa Highway Patrol Group (HPG-7). (/GMR)(BANATNEWS)
- Latest
