Mayor Edigul magpahimo’g dakong track oval sa Talisay
CEBU, Philippines — Napuslan na sa kadaghanan ang grandstand nga gibutang sa Talisay City Central School sa Barangay Poblacion.
Samtang ang standard size nga track oval maoy target ni Mayor Eduardo Gullas nga isunod sa pagbutang sa maong lugar.
Ang grandstand nga nagamit na karon aduna sa’y classroom sa ubos nga bahin alang sa mga tinun-an.
Si Mayor Gullas nitataw nga gusto siya nga makabaton og standard size nga track oval ang Talisay City aron sila na usab unya ang mo-host sa Palarong Pambansa sa umaabot nga katuigan.
“We will maximize the area. Atong butangan og track oval ang atubangan sa grandstand aron duna na kita’y pasilidad sa mga sports event,” nagkanayon si Gullas.
Si Dr. Leah Noveras, schools division superintendent sa Department of Education, nibutyag nga aduna na gyud sila’y dako nga grandstand nga magamit sa bisan unsa nga kalihokan nga dili na mauwanan, o mainitan.
“We are so grateful sa atong mayor sa siyudad. Gikan sa daghang mga classrooms nga iyang gipatukod together with Congressman Samsam Gullas, now naa na pud ta’y grandstand with classrooms,” asoy pa ni Noveras.
Sa nasayran, ang mga pasilidad alang sa kabataan maoy usa sa mga prayoridad nga proyekto ni Mayor Gullas.
Napuslan na sa kadaghanan ang grandstand nga gibutang sa Talisay City Central School sa Barangay Poblacion.
Samtang ang standard size nga track oval maoy target ni Mayor Gullas nga isunod sa pagbutang sa maong lugar.
Ang grandstand nga nagamit na karon may classroom sab sa ubos nga bahin alang sa mga tinun-an. (/RUB)(BANATNEWS)
- Latest
