Kap Mabatid ituboy sa oposisyon sa ABC
CEBU, Philippines — Pangalan ni Mabolo Kapitan Niña Mabatid ang mitumaw nga maoy ituboy sa oposisyon pagka presidente sa Association of Barangay Councils-Cebu City Chapter.
Kini human mianunsyo si kasamtangang ABC president Phillip Zafra nga dili na kini modagan tungod sa kamatuoran nga gamay ra ang kaalyado nga kapitan sa oposisyon.
Gani, mideklara sab si Zafra isip independente sama kang Mabatid, tungod ang mga kapitan angay nga dili makig-alyado sa mga politiko.
Si Konsehal Raymond Alvin Garcia miingon nga wala pa makaestorya ang grupo sa desisyon ni Zafra nga dili na modagan.
Matud ni Garcia nga personal ang desisyon ni Zafra ug mamahimong ibaling sa oposisyon ang pagtuboy ni Mabatid sa posisyon. Sigon ni Garcia nga nagpadayag og intensiyon si Mabatid nga modagan sa posisyon. Gani, matud ni Garica nga may katakos si Mabatid sa maong posisyon.
“Kap Mabatid is sincere and is there to serve the ABC. She has no business interest in the city government and is not after huge contracts with Cebu City Hall. Serbisyo ug dili negosyo ang kinahanglan sa ABC,” dugang ni Garcia. Sa pagkakaron, wala pa makadiseder si Mabatid kon modagan kini isip president sa ABC ug makig-atbang sa kandidato sa Bando Osmeña-Pundok Kauswagan nga si Kasambagan Barangay Captain Franklyn Ong.
Karong Hulyo 30 ang umaabot nga eleksyon sa ABC, ang makadaog isip ABC president, maoy molingkod isip konsehal sa dakbayan. (/IBM)(BANATNEWS) (BANATNEWS)
- Latest
