PO1-PO3 ang molangkub sa DEU

CEBU, Philippines — Mga Police Officer 1 hangtud sa PO3 sa tagsa-tagsa ka unit sa Cebu City Police Office maoy magsilbing mga operatiba sa Drug Enforcement Unit ubos sa mando sa direktor niini nga si Senior Supt. Royina Garma.

Kini aron ma-focus ang DEU sa pagduso og case build up batok sa mga nalambigit sa ilegal nga drugas sa Dakbayan sa Sugbo.

Si Garma nagkanayon nga iya kining gihingusgan sanglit dunay mas taas nga panahon nga magsilbi sa Philippine National Police ang mga PO1 ngadto sa PO3 aron maatubang pa ang mga kaso nga ipasaka ngadto sa ilang dinakpan.

“Di tulad pag-seniors (nga Senior Police Officers) baka mag-retire, madi-dismiss yung case kung di siya mag-a-appear,” sumala pa sa direktor.

Gipatin-aw ni Garma nga anaa gihapon sa ilang tagsa-tagsa ka unit ang maong mga polis ug i-pull out lang sila aron i-briefing kun adunay ipahigayong operasyon ang DEU. (GMR) (BANAT NEWS)