Voter turnout sa Sugbo nigamay
CEBU, Philippines — Miubos ang voters turnout sa nakalabay’ng barangay ug Sangguniang Kabataan Elections niadtong Mayo kon itandi sa miaging eleksyon sumala pa sa Commission on Elections.
Nakatala lamang ang Comelec og 74.74% sa barangay ug 71.62% sa SK sa mga botante sa probinsya sa Sugbo nga mibotar niadtong Mayo 14, apil ang sa dakbayan sa Cebu ug Lapu-Lapu.
Si Provincial Election Supervisor Marco Lionel Castillano mipadayag nga nasurprisa siya sa maong resulta kay nagtuo sila nga malabwan ang voters turnout sa 2016 elections nga 85.6%. Dugang niya nga sa pila na ka eleksyon nga milabay, consistent nga nagsaka ang porsiyento sa mga mibotar ug karon lamang nahitabo nga niubos kini.
"It's lower than expected as far as I remember usually 80 to 85% na siya. Taas kaayo siya, karon ubos kaayo," sigon ni Castillano.
Usa sa mga gidudahan ni Castillano mao ang pagsige og kanselar sa eleksyon sa barangay ug SK ug wa na ganahi ang mga tawo mobotar. (BANAT NEWS)
- Latest