Palma: Botar pinaagi sa konsensya
CEBU, Philippines — Si Archbishop Jose Palma sa Archdiocese of Cebu nipahimangno karon sa katawhan nga mag-ampo ug mamalandong sa dili pa mopili og mga tawo nga mamahimong molingkod sa katungdanan ug moserbisyo sa katawhan karong adlawa.
Matud pa sa Arsobispo ang eleksyon kabahin sa demokrasya sa demokratikanhong nasud.
Sumala pa ni Palma ang eleksyon usa ka proseso nga magpili og mga leader nga mouban sa iyang katawhan alang sa maayong ugma. Matud niya mas maayo ang katawhan mag-ampo ug mamalandong kon kinsa sa mga kandidato ang ilang botaran.
Angay sundon ang gitumbok sa konsensya ug dili tungod sa kwarta, kay ilang higala o kaha nakautang sila og kabubut-on sa kandidato.
Malaumon si Palma nga ang kaayo sa tawo ug sa mga nahimo niini maoy tan-awon sa mga botante sa ilang pagpili. (BANAT NEWS)
- Latest