Sweldo ug bonus ang madawat sa Capitol workers
CEBU, Philippines – Gawas sa ilang sweldo, madawat usab sa mga empleyado sa Kapitolyo ang ilang mid-year bonus karong Mayo 15, 2018 sumala pa sa opisyal sa lalawigan.
Matud ni Danilo Rodas ang provincial budget officer nga anaa sa 1, 500 ka mga casual ug regular nga empleyado sa Kapitolyo ang makadawat sa ilang mid-year bonus nga sama sa usa ka buwang suholan.
Ang maka-qualify sa pagkuha sa ilang bonus mao ang mga regular ug casual nga empleyado nga maayo o pasado ang performance rating ug nagtrabaho na sa Kapitolyo og dili momenus upat ka bulan gikan Hulyo 1, 2017 hangtod Mayo 15, 2015 ug nagpadayon gihapon sa pagtrabaho hangtod karon. Sa balaod sa Kapitolyo ang mga empleyado nga nasuspenso, dili kini kadawat sa ilang bonus. Matud ni Rodas nga anaa sa P30 milyones ang budget nga gigahin sa probinsya alang sa mid-year bonus. (/IBM)(BANAT NEWS)
- Latest
