100 polis may paryente nga kandidato ibalhin
CEBU, Philippines — Dili mominus sa 100 ka polis sa Rehiyon 7 kinsa adunay mga paryente nga managan sa piniliay sa Barangay ug Sangguniang Kabataan ang temporaryong gilahugay.
Kini ang gibutyag sa direktor sa Police Regional Office-7, Chief Supt. Robert Quenery, human sa pormal nga pagsira sa filing sa Certificate of Candidacy alang sa piniliay karong Mayo 14.
“To show to the public na hindi ma-question ang aming partiality,” matud ni Quenery kinsa nidugang nga anam-anam na nilang gipamalhin karon sa gawas sa munisipalidad diin sila gidestino ang maong mga polis.
Sumala pa usab niya nga walay gipalabi ang mga hepe sa mga estasyonan sa rehiyon.
“Well, this is a barangay election, if yung COP (chief of police) may kandidatong barangay captain na relative, well candidate din siya sa re-assignment,” dugang niini.
Ibalik ra sab ang maong mga polis human sa eleksyon. (BANAT NEWS)
- Latest