Seguridad sa Sugat ug Kabanhawan sa Minglanilla
CEBU, Philippines — Gitambagan ni Minglanilla Police Chief Inspector Verniño Noserale ang mga tawong mosalmot sa Sugat ug Kabanhawan Festival karong adlawa (Abril1) nga likayan ang pagsuot og mga alahas nga makadani sa mga kriminal.
Ang kapolisan naghimo na og security plans sa Minglanilla ilabi na sa Sports Complex sugod pa lang kagabii kay gipaabot nga ana pa lang mga orasa modagsa na ang mga tawo ug adto na magpaabot hangtud sa kaadlawon.
Giawhag niya ang mga ginikanan nga magdala sa ilang mga anak nga pasul-ubon sila og mga ID o padad-on og contact numbers aron daling matawgan kon mawani sila sa panon.
Gipaabot modugok ang dili momenus 18 mil ka tawo sa maong kalihokan. Ang Sugat ug Kabanhawan Festival sa Minglanilla maoy usa sa mga labing inila dinhi sa Sugbo sud na sa dugay nga panahon matag Semana Santa. Apan matud sa kapolisan, usa usab kini ka hinungdan kon nganong daghang modayo nga mga mangunguot ug kawatan. (Gikan sa The Freeman/IBM) (BANATNEWS)
- Latest