Oplan biyaheng ligtas Gilusad
CEBU, Philippines — Gilusad kagahapong adlawa ang Oplan Biyaheng Ligtas: Semana Santa 2018 alang sa luwas nga pagbiyahe sa mga pasahero atol sa kasaulogan.
Matud pa ni Ahmed Cuizon, regional director sa Land Transportation Franchising and Regulatory Board-7, nga atol sa ilang tigum sa Regional Management Council-7 nga gipaabot nila ang pagdagsa sa mga turista sa Sugbo atol sa Semana Santa.
"We expect an influx of local and foreign tourists in Cebu due to the impending closure of Boracay and its environmental concerns," matud ni Cuizon.
Dugang ni Cuizon nga ilang tinguha ang safety ug seguridad sa mga bisita sa Sugbo ingon man sa Dumaguete City ug Tagbilaran City sa kasikbit nga probinsiya
Matud ni Cuizon nga ang LTFRB ug ang Maritime Industry Authority, nagsugod na usab pag-isyu og special permits alang sa mga bus ug barko nga mobiyahe gawas sa ilang rota panahon sa Semana Santa. (GMR)(BANAT NEWS)
- Latest