Mga regular nga kawani sa Talisay i-drug test
CEBU, Philippines - Isunod sa kinalit nga drug test ang 300 ka regular ug casual nga kawani sa Talisay City Hall karong tuiga.
Kini human sa kinalit nga drug test sa sakop sa City of Talisay-Traffic Operation Development Authority (CT-TODA) diin unom ka enforcers ang positibo sa paggamit sa ginadiling drugas ug gipalagpot na isip mga job order personnel.
Usa sa mga opisyal sa siyudad nga dili magpaila niingon nga mas maayo nga ilakip silang mga regular nga kawani aron masuta gyud nga walay mga adis-adis kanila.
Matud niya nga aron limpyo ang ilang buhatan sa ginadiling drugas, gikan sa mayor, mga konsehal hangtud sa barangay ang ipaubos sa drug test. Kini nunot sa iyang pagtuo nga aduna sa iyang mga kauban sa City Hall ang mogamit og ginadiling drugas. (BANAT NEWS)
- Latest
