Minor naaktuhan nangawat 2 cellphones
CEBU, Philippines - Nasikop ang 17-anyos nga lalaki kinsa naaktuhan nga nangawat og duha ka cellphones sulod sa boarding house sa Sitio Mactan Proper, Barangay Mactan, Dakbayan sa Lapu-Lapu niadtong Huwebes sa gabii.
Matud ni Police Officer 2 Geralden Pacelan sa Lapu-Lapu City Police Office-Station 2 nga ang biktima nga si Jojo Deguit, 23-anyos, nag-abang og kwarto sa maong dapit, ang nakasakop sa minor de edad nga nikuha sa iyang duha ka cellphones nga nagkantidad og P7,000.
Base sa pakisusi, si Deguit kinsa usa ka construction worker ang niingon nga sa alas 7 sa gabii kalit nisulod sa iyang kwarto ang batan-on.
Nipauli gikan sa trabaho ang biktima niadtong gabhiona ug iyang nasakpan diha-diha ang suspek hinungdan nga dali siyang nitawag og polis.
Nagkanayon si Pacelan nga ilang gi-turnover ang kustodiya sa batan-on sa Home Care Center sa Barangay Gun-ob.
Dunay plano ang polis nga pasakaan og kaso ang minor de edad apan ipaagi una kini og imbestigasyon alang sa paghatag og katin-awan human sa insidente. (BANAT NEWS)
- Latest
