Endo padayong gituki sa DOLE-7
CEBU, Philippines - Mokabat sa 75 ka kompaniya ang ipatawag sa Department of Labor and Employment alang sa usa ka mandatory conference may kalabutan sa pagpapas sa contractualization.
Matud ni DOLE-7 Director Exequil Sarcauga nga ilang tukion ang klase sa mga negosyo nga anaa sila ug pagpasabot usab sa mga lagda nga tumanon aron mapapas na ang ENDO.
Sumala pa ni Sarcauga nga subsob ang ilang orientation tungod kay aduna gihapoy mga kompaniya ang nagpabilin gihapon nga nagmagahi ug wala masayud sa lagda sa ENDO.
Dugang pa ni Sarcauga nga maoy ilang tinguha nga 50 porsiyento sa mga empleyado ang ma-regular sa ilang mga trabahoan.
Mapasalamaton si Sarcauga ngadto sa mga kompaniya kinsa boluntaryo na nga ni regular sa ilang mga empleyado ug wala na magpaabot nga ipatawag sa ilang buhatan. (BANAT NEWS)
- Latest
