Unom ka bata na-rescue sa cybersex den
CEBU, Philippines - Unom ka mga bata nga nag-edad gikan 6 anyos ngadto 10 anyos ang naluwas gikan sa usa ka balay nga matud pa gihimong cybersex den sa Zone Imbao, sa Brgy. Calawisan, Lapu-Lapu City kagahapon sa udto.
Ang mga elemento sa Women and Children Protection Center- Visayas Field Unit 7 misikop sa mga ginikanan lakip sa naluwas ang tulo nila ka mga anak samtang ang uban ilahang mga pag-umangkon.
Ang maong pagpangronda gipangulohan ni Chief Inspector Rose Santolorin inabagan sa International Justice Mission, ug International Police.
Sumala pa nga naabtan pa gyud sa mga polis ang usa sa mga suspek nga nagsige og kuha og hulagway sa usa sa mga biktima nga walay sapot diha sa banyo.
Matud pa nga adunay silingan sa magtiayon nga nakabantay nga nagsige og kuha og hulagway ang usa sa mga suspek sa mga bata ug giingong gipadala kini ngadto sa langyaw pinaagi sa internet
Ang magtiayon pasakaan og kasong paglapas sa RA 10175 o Cyber Crime Prevention Act of 2012 ug RA 9208 or Anti-Trafficking in Persons Act.
Ang mga bata ipakustodiya ngadto sa Department of Social Welfare and Development samtang ang mga suspek gitanggong na sa WCPC in PRO-7.
Niadtong September 9, laing magtiayon apil ang usa ka babaye ang giaresto tungod gihapon sa pag-operate og cybersex den sa Sitio Bangkal, Brgy. Ibabao, Cordova ug naluwas ang mga bata.Gikan sa The Freeman (BANAT NEWS)
- Latest
