Sa CICC mag-Pasko
CEBU, Philippines - Tinguha unta sa mga nasunugan kinsa kasamtangang namuyo sa evacuation camp sa Cebu International Convention Center nga mamasko sa ilang lugar apan dili kini madayon kay nagpadayon pa ang reblocking sa fire scene.
Dili pa makatukod og balik sa ilang balay ang mga nasunugan sa barangay Guizo ug Mantuyong hangtod nga mahuman ang reblocking nga gihimo sa lokal nga kagamhanan sa tuyo nga dili masubli ang hitabo.
Si Mandaue City Mayor Luigi Quisumbing niingon nga ang mga biktima magpabilin gyud sa CICC hangtod nga mahuman ang reblocking. Iyang gitahasan sa pagpahimutang sa mga biktima ang iyang chief of staff nga si Atty. Elaine Bathan uban sa City's Beneficiary Selection Committee. Matud ni Atty. Bathan nga ang BENSELCOM naka-validate na og 315 ka beneficiaries. (BANAT NEWS)
- Latest