Incentives nadawat na sa mga opisyal sa barangay
CEBU, Philippines – Nakadawat na ang mga opisyal sa barangay sa Dakbayan sa Sugbo sa ila’ng insentibo kagahapon.
Ang siyudad nigahin og P7.2 milyones alang sa 80 ka barangay kapitan sa dakbayan ug 560 ka konsehal, 80 ka treasurers ug 80 ka secretaries.
Matud ni City Treasurer Diwa Cuevas nga makadawat og tag P15 mil ang kapitan, tag P9 mil sa mga konsehal ug tag P6 mil sa treasurer ug secretary.
Apan si Cuevas niingon nga ang incentives nga madawat kuhaan og 10 porsiyento nga withholding tax. Mao kini ang katapusan nga higayon nga nakadawat sa ila’ng incentives ang mga opisyal sa barangay karong tuiga.
Una na’ng nadawat sa mga opisyal sa barangay ang incentives sa tulo ka buwan nga tag P5 mil matag kapitan, P3 mil matag konsehal ug tag P2 mil matag treasurer ug secretary sa tanang barangay.
Gipangapud-apud ang mao’ng mga insentibo sa Barangay Sawang Calero diin gipangulohan ang pagpanghatag ni Cebu City acting Mayor Edgardo Labella. – /GMR) (BANAT NEWS)
- Latest
